- 688 -

1443. Okt. 24.

Vnsern frundlichen grus zuuor. Erbern, weizen, lieben frunde, als ir vns vnder andern worten geschreben habt von der teydinge wegin, die vor Othmuchow gescheen vnd begriffen ist wurden vnd sundirlichen, wie dy pene des geldis gros sey, die tage kurz vnd burgschafft sweer etc. Lieben frunde, wir haben vns ouch faste in solchen sachen bekummert, vnd die manchirley gewegin, wenne das doch, das also vor sich stehen, das wir vns noch die vnsern sich in solche pene nicht gegebin haben vnd ouch nicht vorwillet, ouch als ir schreibet begernde zuwissen, ap der tag off den sontag nehstkomende vorgangen haben wirt, vnd wie wirs domete halden wellen etc. Lieben frunde, die Sweidniczer haben vns geschreben vnd vns ouch eine abeschrifft gesant vnsers herren des bischoffs briefs, dorynne seine gnade schreibet vmb geleite zugeben dem von Crusschern, den Czirnern, Peters waldern, Coldan vnd andern zu dem tage vnd bitten vns ouch zu dem tage zu komen, dorczu wir ouch komen wellen, ap got wil vnd bitten euch, daz ir ouch dorczu komet vnd das nicht vorsewmet vnd wenne wir aldo alle zusampne komen, so mogen wir ouch von vnsern sachen mittenander reden vnd die vstragen noch rate. Geben des donrstags vor Crispini etc. anno etc. XLIII°.
Ratmanne der stat Breslow.

Mit Rückaufschrift an den liegnitzer Rath.

Orig. Kgl. Bibl. z. Berl Ms. Boruss. f. 568, No. 18.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866